الضربة القاضية
في حلقة النهاردة من بودكاست قصصنا مش هنقدر نقول القصة بدأت، لأن كلمة البداية مش لايقة، للأسف الأكثر منطقية أننا نقول "أنتهت القصة"
المكان، ليل دخلي في أوضة مقفولة وضلمة جدرانها صعب النفاذ منها، الزمان,من 19 سنة، القصة، دخلت البطلة أوضة ضلمة وفجأة وبدون مقدمات لقت نفسها زي بطل المصارعة اللى أخد الضربة القاضية في أول 30 ثانية، وقعت، نزفت، كل الأحداث مرت حواليها زى الطيف كأنها بتتفرج على فيلم رعب بس للأسف هي البطلة.
وفضلت الليلة المرعبة ديه فى عقلها ل 19 سنة من حياتها, وكأن المباراة لازالت مستمرة, والحكم فيها هى الحياة التى لازالت مستمرة في العد من 1 لـ 10، وأستمرار الحياة لم يكن أكثر من إجراء شكلي لإثبات إن بطلة هذه القصة لازالت على قيد الحياة.
يمكنكم الإستماع للحلقة عبر الرابط التالي: